原文：Sunday Kiss｜
蚁侠现身详情：【香港好去处】迪士尼蚁侠游乐设施3月31日开幕 ！蚁侠、宣萱今现身香港揭幕仪式「蚁侠与黄蜂女：击战特攻！」3月31日正式开幕！
万众期待，首个以蚁侠和黄蜂女为主题的游乐设施，将会在3月31日正式开幕。游戏承接「铁甲奇侠飞行之旅」的故事，香港依然受到Hydra攻击，蚁侠与黄蜂女联手保护香港！而游客亦要帮手，保护储存高度机密资料的数据核心，钻入机械虫的盔甲，摧毁机械虫！游客要坐上「突击」战车，利用手上的电磁脉冲枪，「杀死」机械虫！在游戏中，更有一个重要人物出现，想知係边个？睇到最底先开估！
睇完片就去到保安装备库，呢度就有唔同外星生物同武装科技嘅重要研究项目，同好多唔同嘅收藏品，大家小心唔好乱掂。再行前少少，就要上战场啦！各位游客会坐上神盾局最新研发嘅「突击」战车，当中配备电磁脉冲枪，尽情打坏人。提提大家，成个游乐设施总共有150个射击目标，以多种唔同形状呈现，到时会有5种机械虫，大家只要攻击机械虫嘅弱点就可以获得分数！
去到数据核心实验室会有一只「巨型巢虫」，佢有3条巨型机械臂，喺度围攻数据核心，真係好危险呀！不过唔紧要，呢个时候会听到蚁侠同黄蜂女嘅广播：「我们必须将你们缩小，进入巢虫体内，从内到外攻击Zola。」咩话？缩细我哋？！
去到巢虫体内，四周都係大型电热板、记忆体等，上面仲有好多唔同大小形状嘅弱点，呢个时候紧係要攞起枝枪尽情咁射啦！期间仲有蚁侠同黄蜂女嚟睇下大家安唔安全添！
「本身都知道「蚁侠与黄蜂女：击战特攻！」係由「巴斯光年星际历险」改建而成，整体大致上同「巴斯光年」嘅玩法差唔多，不过今次战车冇得好似之前咁自己较点郁，但係佢就不停自转，成日都会射失，加上机械虫会成日消失，就算较啱位，都未必射中，不过就啲射击位比较清晰，所以都容易攞到分！」
除咗新嘅游乐设施之外，仲有以蚁侠与黄蜂女做主题嘅美食，依家就带大家睇下啦！
战队汉堡套餐（蚁侠）$149（推出日期：即日起至6月30日）
儿童鸡扒汉堡包$85
「科技馆礼品店」售卖Marvel主题商品
「科技馆礼品店」已于去年开幕，依家大家可以买到逾70款蚁侠与黄蜂女嘅独家商品及多款主题美食，粉丝玩完记得去埋shopping呀！
蚁侠Cap帽 $158起
蚁侠／神盾局主题杯 $98
锺意储门票嘅粉丝留意！乐园入场门票将会于3月换上全新「蚁侠与黄蜂女」设计，必储呀！
「蚁侠与黄蜂女:击战特攻!」开幕日期： （星期日）地点：香港迪士尼乐园